നടൻ കൃഷ്ണകുമാറിന്റെ മകൾ ദിയ കൃഷ്ണ മലയാളികൾക്ക് സുപരിചിതയാണ്. വ്ളോഗർ കൂടിയായ ദിയയ്ക്ക് സോഷ്യൽ മീഡിയയിൽ ലക്ഷക്കണക്കിന് ആരാധകരുമുണ്ട്. ഇപ്പോഴിതാ ആരാധകരുടെ ചോദ്യങ്ങൾക്ക് ഉത്തരം പറയുന്ന ദിയയുടെ വീഡിയോ സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്. പ്രതിശ്രുത വരൻ അശ്വിനും ദിയക്കൊപ്പമുണ്ട്.

ബാഡ് പാസ്റ്റിനെക്കുറിച്ചയിരുന്നു ഒരാൾ ദിയയോട് ചോദിച്ചത്. മൂന്ന് നാല് പ്രണയങ്ങൾ ഉണ്ടായിട്ടുണ്ടെന്നും താനൊരു പ്രേമരോഗിയാണെന്നും ദിയ തുറന്നുപറഞ്ഞു. എനിക്ക് കുറേ ബാഡ് പാസ്റ്റ് ഉണ്ട്.

യഥാർത്ഥത്തിൽ, സത്യസന്ധമായി പറയുകയാണെങ്കിൽ ഞാനൊരു പ്രേമരോഗിയാണ്. ഒരുപാട് റൊമാന്റിക് ആണ്. ബാഡ് പാസ്റ്റ് വന്നാൽ അതിൽ നിന്ന് മൂവ് ഓൺ ചെയ്യാൻ എളുപ്പമാണ്. നമുക്ക് നല്ലൊരു പാസ്റ്റ് ആണ് ഉണ്ടായിരുന്നതെങ്കിൽ അത് നഷ്ടപ്പെട്ടാൽ മൂവ് ഓൺ ചെയ്യാൻ ബുദ്ധിമുട്ടായിരിക്കും.

നമ്മുടെ തെറ്റ് കൊണ്ട് ഒരു ബാഡ് റിലേഷൻ ഉണ്ടായെങ്കിൽ അത് നമുക്കൊരു റിഗ്രറ്റ് ആയിരിക്കും. എന്റെ ലൈഫിൽ വന്നിട്ടുള്ള എല്ലാവരും, മൂന്ന് നാല് റിലേഷൻഷിപ്പുകൾ എനിക്കുണ്ടായിട്ടുണ്ട്. അതിൽ വേറൊരു പെണ്ണുമായി അഫയറിൽ പെടാത്ത ഒരാൾ പോലുമില്ല. ഞാൻ തൊട്ടുമുന്നത്തെ ആളെയൊന്നും ടാർഗറ്റ് ചെയ്ത് പറയുന്നതല്ല. എല്ലാവരെയും ഉദ്ദേശിച്ചാണ് പറയുന്നത്.

എല്ലാവർക്കും രഹസ്യ ബന്ധങ്ങളുണ്ടായിരുന്നു. എല്ലാവന്മാരെയും കണ്ട പെണ്ണുങ്ങളുടെ കൂടെ പിടിക്കേണ്ടി വന്നിട്ടുണ്ട്. അങ്ങനെയൊരു ഭൂതകാലമായതുകൊണ്ടാണ് എനിക്ക് അവിടെ നിന്ന് മൂവ് ഓൺ ചെയ്യാൻ കഴിഞ്ഞത്’ ദിയ പറഞ്ഞു.

സോഷ്യൽ മീഡിയയിൽ സജീവമായ ട്രാൻസ്‌ജെൻഡർ സെലിബ്രിറ്റി മേക്കപ്പ് ആർട്ടിസ്റ്റും നടിയുമായ താരമാണ് സീമാ വിനീത്. സമൂഹത്തിൽ നടക്കുന്ന പല പ്രശ്നങ്ങളെക്കുറിച്ചും തുറന്ന അഭിപ്രായങ്ങൾ പങ്കുവയ്ക്കാനും താരം മറക്കാറില്ല. ഇപ്പോഴിതാ സീമാ വിനീത് സോഷ്യൽ മീഡിയയിൽ പങ്കുവച്ച ഒരു കുറിപ്പാണ് ചർച്ചയാകുന്നത്

സ്ത്രീയാണെന്ന ചിന്തയിൽ ജീവിക്കുന്ന തന്നെ പോലെയുള്ളവർക്ക് മറ്റൊരു സ്ത്രീയോടൊപ്പം ജീവിതം പങ്കിടുന്നത് ദുസ്സഹമാണെന്നും സ്വന്തം ജെൻഡർ തിരിച്ചറിഞ്ഞിട്ടും ലിംഗമാറ്റ ശസ്ത്രക്രിയയ്ക്ക് മുൻപ് വിവാഹം കഴിക്കുന്നത് ശരിയല്ലെന്നും താരം പറഞ്ഞു.

രണ്ടും മൂന്നും വിവാഹം കഴിച്ചതിനുശേഷം ഞാൻ ട്രാൻസ് ആണ് എന്ന് പറഞ്ഞ് ലിംഗമാറ്റശസ്ത്രക്രിയ നടത്തുന്നവരോട് തീർത്തും വിയോജിപ്പ് മാത്രം. അവിടെ നിങ്ങൾ നശിപ്പിക്കുന്നത് സ്ത്രീകളുടെ ജീവിതം, ആ കുട്ടികളുടെ ജീവിതം അവർക്കു കിട്ടേണ്ട മാതാപിതാക്കളുടെ സ്നേഹവും ചേർത്ത് നിർത്തലുകളുമാണ്. ഇത് ആരേലും ചോദ്യം ചെയ്യാൻ വന്നാൽ നിങ്ങളിൽ നിന്നും കിട്ടുന്ന ഉത്തരം സാഹചര്യം, സെക്ഷ്വാലിറ്റി, ഇങ്ങനെ കുറെ പുകമറകൾ അല്ലേ..

ഞാൻ ഒന്ന് ചോദിക്കട്ടെ, നിർബന്ധത്തിന് വിധേയമായി വിവാഹത്തിന് സമ്മതിക്കേണ്ടി വന്നു എന്ന് പറയുന്നു ചിലർ. അവിടെ റൂമിനുള്ളിലും വീട്ടുകാരുടെ നിർബന്ധത്തിന് വിധേയമായി ആണോ നിങ്ങൾ ആ സ്ത്രീകളുമായി ലൈംഗികബന്ധത്തിൽ ഏർപ്പെട്ടത് ? അതോ അതിനുള്ള മറുപടി ആ സ്ത്രീകൾ പീഡിപ്പിച്ചു എന്നാണോ?

മനസുകൊണ്ടും ശരീരം കൊണ്ടും കുട്ടികാലം മുതൽ ഓർമ്മ വച്ച നാളുകൾ മുതൽ ഞാൻ സ്ത്രീയാണ് എന്ന ചിന്തയിൽ ജീവിക്കുന്ന എന്നെ പോലെയുള്ളവർക്ക് ഒരു സ്ത്രീയോടൊപ്പം ജീവിതം പങ്കിടുന്നത് ദുസ്സഹമാണ്. അത് മാത്രമല്ല ഒരു വിവാഹം കഴിച്ചത് വീട്ടുകാരുടെ നിർബന്ധത്തിൽ ആണെങ്കിൽ, വീണ്ടും വീണ്ടും വിവാഹം കഴിച്ചവരോ അത് മറ്റുള്ളവരിൽ മോശം ചിന്താഗതി സൃഷ്ടിക്കുകയല്ലേ. ഇതെല്ലാം കഴിയുമ്പോൾ ചിലരുടെ മറുപടി ഇതൊക്കെ നടന്നതിനു ശേഷം ആണത്രേ അറിഞ്ഞത്.

ഒരിക്കലും മറ്റുള്ളവരുടെ ജീവിതം ചവിട്ടി അരച്ച് സ്വന്തം ജീവിതം കെട്ടിപ്പടുക്കരുത്. അതിന് ഇത്ര കഷ്ടപ്പെട്ട് ശരീരം കീറി മുറിച്ച് മാറ്റിയിട്ടോ വസ്ത്രം മാറ്റിയിട്ടോ യാതൊരു വിധകാര്യങ്ങളും ഇല്ല.

ചില അഭിനേതാക്കൾ എണ്ണമറ്റ സിനിമകളിൽ പ്രവർത്തിക്കുന്നു, എന്നാൽ ചിലർ ഒരു സിനിമയിൽ പ്രത്യക്ഷപ്പെടുകയും പ്രേക്ഷകരുടെ മനസ്സിൽ മായാത്ത മുദ്ര പതിപ്പിക്കുകയും ചെയ്യുന്നു. ‘മഞ്ഞുപോലൊരു പെൺകുട്ടി’യിലെ അമൃത പ്രകാശ് 20 വർഷം മുമ്പാണ് ഇൻഡസ്ട്രി വിട്ടതെങ്കിലും മിക്ക മലയാളി മനസ്സുകളിൽ നിന്നും ഇനിയും മാഞ്ഞിട്ടില്ല.

അമൃത മലയാളിയാണെന്നാണ് മിക്കവരും ഇപ്പോഴും വിശ്വസിക്കുന്നതെങ്കിലും യഥാർത്ഥത്തിൽ അവർ മുംബൈക്കാരിയാണ്. 2004-ൽ മോളിവുഡ് വിട്ട ശേഷം, രസകരമായ ചില വേഷങ്ങൾ ചെയ്യാൻ അമൃത ബോളിവുഡിലേക്ക് കടന്നു. ഇപ്പോൾ രണ്ട് പതിറ്റാണ്ടുകൾക്ക് ശേഷം, ഒരു ജനപ്രിയ യൂട്യൂബ് ചാനലിന് നൽകിയ അഭിമുഖത്തിലാണ് അമൃത തൻ്റെ മോളിവുഡ് അനുഭവത്തെക്കുറിച്ച് തുറന്ന് പറഞ്ഞത്.

‘മഞ്ജുപോലൊരു പെൺകുട്ടി’ക്ക് ശേഷം ഒരുപാട് വേഷങ്ങൾ എന്നെ തേടിയെത്തി, പക്ഷേ സിനിമയിൽ കമ്മിറ്റ് ചെയ്യാൻ എനിക്ക് പ്രായമായിരുന്നില്ല, പഠനം പൂർത്തിയാക്കാൻ ഞാൻ വല്ലാതെ ആഗ്രഹിച്ചു. 2004ൽ 12-ാം ക്ലാസ്സിൽ പഠിക്കുന്ന ഞാൻ പഠനവുമായി മുന്നോട്ട് പോകാൻ തീരുമാനിച്ചു. കേരളത്തെയും മലയാളികളെയും വല്ലാതെ മിസ്സ് ചെയ്തു. പോപ്പി കുടയുടെ പരസ്യത്തിലൂടെ ഞാൻ എൻ്റെ കരിയർ ആരംഭിച്ചത് ഇവിടെയാണ്.

ഇന്ത്യയുടെ മറ്റു ഭാഗങ്ങളുമായി താരതമ്യം ചെയ്യുമ്പോൾ മലയാളം ഇൻഡസ്‌ട്രി ഇപ്പോൾ എത്രത്തോളം പ്രശംസനീയമാണെന്ന് എനിക്കറിയാം. ഇൻഡസ്ട്രിയിലേക്ക് ഒരു തിരിച്ചുവരവ് നടത്തണമെന്ന് തോന്നുന്നു. മലയാള സിനിമ ഒരുപാട് മുന്നേറിയിട്ടുണ്ട്. ആ സിനിമയ്ക്ക് ശേഷം ഞാൻ കേരളത്തിലെ ആൺകുട്ടികളുടെ ക്രഷ് ആണെന്ന് ഞാൻ അറിഞ്ഞിരുന്നില്ല, അന്ന് സോഷ്യൽ മീഡിയ ഇല്ലായിരുന്നു. 2004ൽ എനിക്ക് മലയാളികളിൽ നിന്ന് ടൺ കണക്കിന് പ്രണയലേഖനങ്ങൾ ലഭിക്കുമായിരുന്നു. ഒരു മലയാളിയെ വിവാഹം കഴിച്ച് കേരളത്തിൽ സ്ഥിരതാമസമാക്കാൻ തോന്നുന്നുവെന്നും താരം കൂട്ടിച്ചേർത്തു.