വയനാട്ടിൽ നിന്നുള്ള വീഡിയോ പോസ്റ്റ് ചെയ്ത സീരിയൽ നടി മോനിഷയ്‌ക്കെതിരെ രൂക്ഷവിമർശനം. സുൽത്താൻ ബത്തേരി സ്വദേശിനിയാണ് മോനിഷ. താനും കുടുംബവും സുരക്ഷിതരാണെന്ന അറിയിച്ചുകൊണ്ട് ഇന്നലെ ഇൻസ്റ്റഗ്രാമിലാണ് നടി വീഡിയോ പോസ്റ്റ് ചെയ്തത്. രണ്ട് ദിവസം മുമ്പുള്ള വീഡിയോയാണിതെന്നും വയനാട് മാറിയിരിക്കുന്നുവെന്നും അടിക്കുറിപ്പിൽ പറയുന്നുണ്ട്.

തമിഴ്നാട്ടിൽ മഴ പെയ്‌തോ എന്നറിയില്ല. പക്ഷേ എന്റെ നാട്ടിൽ പ്രധാനമായും വയനാട്ടിൽ നല്ല മഴയാണ്. ഭയങ്കര കുളിരാണ്. നിങ്ങൾക്ക് ഞാൻ കാണിച്ച് തരാം. നോക്കൂ, എന്താ മഴ. ഈ കാഴ്ച കാണാൻ നല്ല ഭംഗിയുണ്ട്. എന്നാണ് വീഡിയോയിൽ നടി പറയുന്നത്. തമിഴിലാണ് താരം സംസാരിക്കുന്നത്.

എന്നാൽ ഇത്രയും പേർ മരിക്കുകയും, നിരവധി പേരെ കാണാതാകുകയും ചെയ്ത സാഹചര്യത്തിൽ ഇത്തരമൊരു വീഡിയോ പോസ്റ്റ് ചെയ്തതിനെതിരെയാണ്‌ വിമർശിച്ചുകൊണ്ട് നിരവധി പേർ രംഗത്തെത്തിയത്.

‘ഇവളൊക്കെ ഏതാ വയനാട്ടിൽ കുളിര് പോലും കുറെ ജീവൻ നഷ്ടപെട്ടത് ഇവൾ അറിഞ്ഞില്ലേ.. അവളുടെ കുളിര്’, ‘വേറെ പണി ഒന്നുമില്ലേ, അവിടെ ഉരുൾ പൊട്ടിയത് അറിഞ്ഞില്ലേ, കഷ്ടം’, ‘കുളിർ ആണെങ്കിൽ പുതയ്ക്ക്, നിങ്ങളെ ഇഷ്ടമായിരുന്നു, ഇനി നിങ്ങടെ ഒരു ഷോയും കാണില്ല ‘ തുടങ്ങി നിരവധി പേരാണ് കമന്റ് ചെയ്തിരിക്കുന്നത്.

മാധവ് ഗാഡ്ഗിൽ റിപ്പോർട്ടിനെ കുറിച്ച് കേരളം ഗൗരവത്തോടെ ചിന്തിക്കണമെന്നും, അത് ചിന്തിക്കേണ്ട സമയം അതിക്രമിച്ചിരിക്കുന്നെന്നും നടി രചന നാരായണൻകുട്ടി.

പശ്ചിമഘട്ടത്തെക്കുറിച്ചുള്ള ശ്രീ മാധവ് ഗാഡ്ഗിൽ കമ്മീഷൻ റിപ്പോർട്ട് പശ്ചിമഘട്ടത്തിന്റെ പരിസ്ഥിതിയെക്കുറിച്ച് അടിയന്തര ശ്രദ്ധയും നടപടിയും ആവശ്യപ്പെടുന്ന ഒരു സുപ്രധാന രേഖയാണ്

വളരെ വിപുലമായ ഗവേഷണത്തിലും വിദഗ്ധാഭിപ്രായത്തിലും അധിഷ്ഠിതമായ റിപ്പോർട്ട്, ഈ ജൈവവൈവിധ്യ ഹോട്ട്സ്പോട്ട് സംരക്ഷിക്കുന്നതിനുള്ള സുസ്ഥിര വികസന പ്രവർത്തനങ്ങളുടെ അടിയന്തിര ആവശ്യകത എടുത്തുകാണിക്കുന്ന ഒന്നാണ്.

അത്തരം നിർണായക ഉൾക്കാഴ്ചകളും ശുപാർശകളും അവഗണിക്കുന്നത്, പ്രത്യേകിച്ച് വിദഗ്ധർ അവ സൂക്ഷ്മമായി സമർപ്പിച്ചതിന് ശേഷം, ഹ്രസ്വദൃഷ്ടി മാത്രമല്ല, പരിസ്ഥിതിക്കും പ്രാദേശിക സമൂഹങ്ങൾക്കും അപകടകരമാണ്. ഈ മുന്നറിയിപ്പുകൾ നാം ശ്രദ്ധിക്കേണ്ടതും ഭാവി തലമുറയ്ക്കായി പശ്ചിമഘട്ടത്തെ സംരക്ഷിക്കാനും ആവശ്യമായ നടപടികൾ നടപ്പിലാക്കേണ്ടത് വളരെ അത്യാവശ്യമാണ്.

ഇതിനെ കുറിച്ച് വലിയ അറിവില്ലാതിരുന്ന എനിക്ക് വ്യക്തമായി കാര്യങ്ങൾ പറഞ്ഞു തന്ന ഡിസാസ്റ്റർ മാനേജ്‌മന്റ് വിദ്യാർത്ഥിനി കൂടിയായ എന്റെ ശിഷ്യക് നന്ദിയുണ്ടെന്നും ഇൻസ്റ്റാഗ്രാമിൽ പങ്കു വെച്ച കുറിപ്പിൽ നടി വ്യക്തമാക്കി.

ഡിയർ കോമ്രേഡ്, ഗീതാ ഗോവിന്ദം എന്നീ ചിത്രങ്ങളിലെ രശ്മിക മന്ദനയുടെയും വിജയ് ദേവരകൊണ്ടയുടെയും കെമിസ്ട്രി വളരെയധികം ശ്രെദ്ധിക്കപ്പെട്ടിരുന്നു. സിനിമകൾ പുറത്തിറങ്ങി വർഷങ്ങൾ കഴിഞ്ഞിട്ടും താരജോഡികൾ ഇപ്പോഴും സിനിമാപ്രേമികളുടെ പ്രിയപ്പെട്ടവരിൽ ഒരാളാണ്..

വിജയ് ദേവര്കൊണ്ടയും, രശ്‌മിക മന്ദനയും യഥാർത്ഥ ജീവിതത്തിൽ പരസ്പരം ഡേറ്റിംഗിലാണെന്ന കിംവദന്തികൾ പ്രചരിക്കുന്നുണ്ട്. എന്നിരുന്നാലും, വിജയ് ദേവരകൊണ്ടയെ രശ്മിക ഭയപ്പെട്ടിരുന്ന ഒരു കാലമുണ്ടായിരുന്നു.
ഗീത ഗോവിന്ദം എന്ന ചിത്രത്തിന് ലഭിച്ച അഭൂതപൂർവമായ പ്രതികരണത്തെക്കുറിച്ച് എല്ലാവർക്കും അറിയാമെങ്കിലും, അർജുൻ റെഡ്ഡി എന്ന നായകനെ അവതരിപ്പിച്ച വിജയ് ദേവര്കൊണ്ടയെ, രശ്മിക ഭയപ്പെട്ടിരുന്നുവെന്ന് പലർക്കും അറിയില്ല..

പുതിയ ആളുകളെ കാണുമ്പോൾ ഭയക്കുന്നതുപോലെ ഞാൻ അദ്ദേഹത്തോടൊപ്പം (വിജയ് ദേവരകൊണ്ട) ആദ്യമായി അഭിനയിക്കുമ്പോൾ ഞാൻ ഭയപ്പെട്ടു, എന്നാൽ വിജയ് വളരെ ശാന്തനായ ഒരു സുഹൃത്താണ്, അദ്ദേഹത്തോടൊപ്പം പ്രവർത്തിക്കുന്നത് എനിക്ക് എളുപ്പമാണെന്ന് രശ്മിക പറഞ്ഞു. സിനിമയുടെ ഷൂട്ടിംഗ് കുറച്ചുകൂടി എളുപ്പമായിരുന്നു, കാരണം അദ്ദേഹത്തിൻ്റെ “ഫ്രീക്വൻസി, അവൻ്റെ വൈബ്, അതുമായി പൊരുത്തപ്പെടാൻ എളുപ്പമായിരുന്നു” എന്നും നടി കൂട്ടിച്ചേർത്തു.

ബ്ലോക്ക്ബസ്റ്റർ ചിത്രമായ ഗീത ഗോവിന്ദത്തിനു ശേഷം 2019 ൽ പുറത്തിറങ്ങിയ ഡിയർ കോമ്രേഡിൽ ഇരുവരും വീണ്ടും ഒരുമിച്ചു അഭിനയിച്ചു. ഈ ചിത്രവും ബ്ലോക്ക്ബസ്റ്റർ വിജയമായി ഉയർന്നു, കൂടാതെ രശ്മികയുടെയും വിജയ്‌യുടെയും സൗഹൃദവും പരസ്പരം ഉള്ള ഇഷ്ടവും പ്രേക്ഷകർക്ക് ഇഷ്ടപ്പെട്ടു. ഈ രണ്ട് സിനിമകൾക്കിടയിലാണ് അവർ തമ്മിൽ ശക്തമായ ഒരു ബന്ധം ഉടലെടുത്തത്.
കന്നഡ താരം രക്ഷിത് ഷെട്ടിയുമായുള്ള മുൻകാല ബന്ധത്തെ കുറിച്ച് മാധ്യമങ്ങൾ അവരുടെ സിനിമയുടെ പ്രൊമോഷൻ സമയത്ത് ചോദിച്ചപ്പോൾ വിജയ്-രശ്മികയുടെ ബന്ധം വ്യക്തമായിരുന്നു..