Entertainment
സിനിമ താരത്തിന്റെ പരാതിയിൽ “ആറാട്ട് അണ്ണന്” പോലീസിന്റെ വക താക്കീത്..!!
ആറാട്ട് അണ്ണൻ എന്ന സന്തോഷ് വർക്കിയെ സിനിമ റിവ്യൂവിന്റെ മറവിൽ അശ്ലീല പരാമർശങ്ങൾ നടത്തുന്നുവെന്ന പരാതിയിൽ പാലാരിവട്ടം പോലീസ് താക്കീതു നൽകി വിട്ടയച്ചു.
നടൻ ബാലയാണ് താര സംഘടനയായ അമ്മയ്ക്കും , പാലാരിവട്ടം പോലീസിലും പരാതി നൽകിയത് , താരങ്ങളെയും കുടുംബാംഗങ്ങളെയും അശ്ലീല പരാമർശങ്ങൾ നടത്തി സോഷ്യൽ മീഡിയയിൽ അവഹേളിക്കുന്നു എന്ന് കാണിച്ചാണ് പരാതി നൽകിയത്.
സന്തോഷ് വർക്കി നടൻ ബാലയെയും മുൻപ് ഇതുപോലെ സോഷ്യൽ മീഡിയ വഴി അവഹേളിച്ചിരുന്നു. ബാലയുടെ പരാതി “അമ്മ” യുടെ ജനറൽ സെക്രെട്ടറി സിദ്ദിഖ് ഗൗരവത്തിൽ എടുക്കുകയും ചെയ്തു , തുടർന്ന് പോലീസ് സ്റ്റേഷനിലേക്ക് വിളിച്ചു വരുത്തി സന്തോഷ് വർക്കിയെ കൊണ്ട് മേലിൽ ഇത്തരം കാര്യങ്ങൾ ചെയ്യില്ലെന്ന് എഴുതി ഒപ്പു വാങ്ങിച്ചു. ഇനിയും ഇത്തരം കാര്യങ്ങൾ ആവർത്തിച്ചാൽ കേസ് എടുക്കുമെന്ന് പോലീസ് ആറാട്ട് അണ്ണന് താകീതും നൽകി.
സിനിമ റിവ്യൂവിന്റെ മറവിൽ നടി നടന്മാരുടെ പേരിൽ അശ്ലീല പരാമർശങ്ങൾ നടത്തുന്ന യൂട്യൂബർമാർക്കെതിരെ കര്ശനമായ നടപടി സ്വീകരിക്കാനാണ് “‘അമ്മ” യുടെ തീരുമാനം. അതേ സമയം തന്റെ പരാതിയിൽ സന്തോഷ് വർക്കിക്ക് തെറ്റ് തിരുത്താനുള്ള അവസരമാണ് നൽകിയതെന്ന് നടൻ ബാല പറഞ്ഞു..
