നടൻ ജോജു ജോർജ് ആദ്യമായി സംവിധാനം ചെയ്ത ചിത്രം “പണി” റിലീസിനായി തീയേറ്ററുകളിലേക്ക്..

ജോജു ജോർജ് ആദ്യമായി രചന സംവിധാനം നിർവഹിക്കുന്ന “പണി” തിയേറ്ററുകളിലേക്. അണിയറപ്രവർത്തകർ ചിത്രത്തിന്റെ പുതിയൊരു പോസ്റ്ററും പുറത്തു വിട്ടിട്ടുണ്ട്. നേരത്തെ വൈറലായ പണിയിലെ പ്രണയാർദ്രമായ സ്റ്റില്ലുകളിൽ നിന്നും വ്യത്യസ്തമായി തോക്കേന്തിയ ജോജുവിന്റെ ഗിരി എന്ന കഥാപാത്രത്തെയാണ് പുതിയ പോസ്റ്ററിൽ കാണാൻ സാധിക്കുക.

“ആൻ ഐ ഫോർ ആൻ ഐ ” എന്ന ടാഗ് ലൈനോടു കൂടിയാണ് ചിത്രം പുറത്തെത്തുന്നത്. നേരത്തെ ഗിരി ആൻഡ് ഗൗരി ഫ്രം പണി എന്ന ക്യാപ്ഷനിൽ എത്തിയ ചിത്രത്തിലെ നായികാനായകന്മാരുടെ ചിത്രങ്ങൾ സോഷ്യൽമീഡിയ ഏറ്റെടുത്തു കഴിഞ്ഞു.

ചിത്രത്തിൽ ജോജുവിന്റെ നായികയായി എത്തുന്ന അഭിനയ യഥാർത്ഥ ജീവിതത്തിൽ സംസാരശേഷിയും കേൾവിശക്തിയും ഇല്ലാത്ത പെൺകുട്ടിയാണ്. തമിഴ്, തെലുഗ് ഭാഷകളിലും അഭിനയ വേഷമിട്ടിട്ടുണ്ട്. പരിമിതികൾ സ്വപ്നങ്ങൾക്കു തടസ്സമല്ലെന്ന് തെളിയിച്ച അഭിനയ ജോജുവിന്റെ നായികയായി വീണ്ടും മലയാളത്തിലേക്ക് എത്തുന്നത് ഒത്തിരി പ്രതീക്ഷയോടെയാണ് ആരാധകർ കാണുന്നത്.

മുൻ ബിഗ് ബോസ് താരങ്ങളായ സാഗർ, ജുനൈസ്, ഗായിക അഭയ ഹിരണ്മയി, പ്രശാന്ത് അലക്സ്, സുജിത് ശങ്കർ, തുടങ്ങി വൻ താരനിരയും, കൂടാതെ അറുപതോളം പുതിയ താരങ്ങളും ചിത്രത്തിൽ അഭിനയിക്കുന്നുണ്ട്.

ഒരു മാസ്സ്, ത്രില്ലെർ, റിവെന്ജ് ജോണറിൽ എത്തുന്ന ചിത്രം ജോജുവിന്റെ തന്നെ പ്രൊഡക്ഷൻ കമ്പനി ആയ അപ്പു പാത്തു പപ്പു പ്രൊഡക്ഷന്സിന്റെയും ശ്രീ ഗോകുലം മൂവിസിന്റെയും ബാനറിൽ എം റിയാസ് ആദം, സിജോ വടക്കൻ എന്നിവർ ചേർന്നാണ് നിർമിച്ചിരിക്കുന്നത്.

വിഷ്ണു വിജയ്, സാം സി എസ്, എന്നിവരാണ് സംഗീതം. ക്യാമറ വേണു, ജിന്റോ ജോർജ്. ശ്രീ ഗോകുലം മൂവിസിലൂടെ ഡ്രീം ബിഗ് ഫിലിംസ് ആണ് ചിത്രം വിതരണത്തിന് എത്തിക്കുന്നത്. പീ ആർ ഓ ആതിര ദിൽജിത്, മാർക്കറ്റിങ് ഒബ്സകയുര എന്റെർറ്റൈന്മെന്റ്സ്.