kerala

എന്റെ ചിന്തകളും പ്രാർത്ഥനയും ദുഖിതരായ കുടുംബങ്ങൾക്കൊപ്പമാണ്: വയനാട് ദുരന്തത്തിൽ വിജയ്..

Published

on

വയനാട് ഉരുൾപൊട്ടൽ ദുരന്തത്തിൽ മരിച്ചവർക്കു അനുശോചനവുമായി തമിഴ് നടൻ വിജയ്. നടന്റെ പാർട്ടിയെ തമിഴ് വെട്രികഴകത്തിന്റെ ഒഫീഷ്യൽ ട്വിറ്റെർ പേജിലൂടെ ആയിരുന്നു പ്രതികരണം. സംഭവത്തിൽ അഗാധമായ ദുഃഖമുണ്ടെന്നും തന്റെ പ്രാർത്ഥനകൾ കുടുംബങ്ങൾക്കൊപ്പമെന്നും വിജയ് കുറിച്ചു.

“കേരളത്തിലെ വയനാട്ടിൽ ഉരുള്പൊട്ടലിന്റെ ദാരുണമായ വാർത്തയിൽ അഗാധമായ ദുഃഖം രേഖപ്പെടുത്തുകയാണ്. എന്റെ ചിന്തകളും പ്രാർത്ഥനകളും ദുഖിതരായ കുടുംബങ്ങൾക്കൊപ്പം. ദുരിത ബാധിതർക്കു ആവശ്യമായ രക്ഷാപ്രവർത്തനങ്ങളും, ദുരിതാശ്വാസ നടപടികളും യുദ്ധകാലാടിസ്ഥാനത്തിൽ നൽകണമെന്ന് സർക്കാർ അധികാരികളോട് അഭ്യര്ഥിക്കുക, വിജയ് ട്വീറ്റ് ചെയ്തു.

ദുരന്ത മുഖത്തുള്ള വയനാടിന് അഞ്ചു കോടി രൂപ അടിയന്തിരമായി തമിഴ്നാട് മുഖ്യമന്ത്രി എം കെ സ്റ്റാലിൻ അനുവദിച്ചിട്ടുണ്ട്. തമിഴ്നാട്ടിൽ നിന്നും പ്രത്യേക സംഘം ദുരിതാശ്വാസ പ്രവർത്തനങ്ങളും രക്ഷ പ്രവർത്തനങ്ങളും ഏകോപിപ്പിക്കാൻ വായനാട്ടിലെത്തും

തമിഴ് നടൻ ചിയാൻ വിക്രം 20 ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകിയിട്ടുണ്ട്. നടൻ സൂര്യയും, ഭാര്യ ജ്യോതികയും, സഹോദരൻ കാർത്തിയും ചേർന്ന് 50 ലക്ഷം നൽകി. നടി രശ്‌മിക മന്ദനാ 10 ലക്ഷം രൂപയും സംഭാവന ചെയ്തു.

Trending

Exit mobile version